Fýtbol: Túrkııada oqý-jattyǵý jıynyn ótkizip jatqan «Aqjaıyq» albanııalyq «Tıranany» utty
ORAL. QazAqparat - Jańa maýsymǵa daıyndyq barysynda Túrkııada oqý-jattyǵý jıynyn ótkizip jatqan, fýtboldan QR chempıonaty premer-lıgasynda óner kórsetetin Oraldyń «Aqjaıyǵy» sparrıng-kezdesýde albanııalyq «Tırana» klýbyn utty, dep habarlaıdy «QazAqparat» HAA tilshisi.
Sports.kz saıtynan alynǵan málimetke qaraǵanda, batysqazaqstandyqtar 2:0 esebimen jeńiske jetti. «Aqjaıyq» sapynda Ivan Antıpov pen Abylaıhan Totaı gol soǵyp, kózge tústi.
Aıta keteıik, oqý-jattyǵý jıynyna bas bapker Vahıd Masýdov basshylyq jasaýda. Qazir komandada nıgerııalyq Izý Azýka da synaqtan ótýde. 27 jasar Azýkaǵa Qazaqstan fýtboly tanys, ol budan buryn «Ertis» (Pavlodar), «Taraz» komandalarynda dop tepken bolatyn.
«Oqý-jattyǵý jıyny 28 qańtarǵa deıin bolady. Sol kezde bárin qarap, bólingen qarjyǵa qaraı komandaǵa oıynshylar alynatyn bolady», dedi «QazAqparat» tilshisine «Aqjaıyq» fýtbol klýbynyń dırektory Azat Qazıhanov.
