FÝTBOL: Túrkııada Qazaqstan klýbtary qatysatyn jańa týrnır ótkizý usynyldy
NUR-SULTAN. QazAqparat – Túrkııa fýtbol federatsııasynyń Syrtqy baılanys komıtetiniń múshesi Gıýrkan Teoman túrki elderi arasynda týrnır uıymdastyrý týraly usynys jasady. Bul týraly QazAqparat Sports.kz saıtyna silteme jasap habarlaıdy.
Azerisport.com-nyń Sisligazetesi-ge silteme jasap habarlaýynsha, ol Turan kýbogyn qurýdy usynyp otyr. Bul týrnırdi uıymdastyrýdaǵy birinshi qadam jumys tobyn qurýdan bastaldy.
Onyń pikirinshe, osyndaı týrnır halyqaralyq oıyndar tájirıbesin arttyryp, qarjy jaǵynan da tıimbi bolady.
«Bul qatysýshylardyń ulttyq chempıonattardaǵy oıyndaryna áser etpeıdi, biraq týrnır telekórsetilimderi men demeýshilerden keletin kiristi kóbeıtedi, klýbtar arasyndaǵy ózara qatynasty jaqsartady», - dep málim etti Teoman.
Eger jospar iske asyrylsa, týrnırge Túrkııa, Ázerbaıjan, Qazaqstan, Qyrǵyzstan, Ózbekstan, Túrikmenstan jáne Kıpr, sondaı-aq basqa túrki elderiniń klýbtary qatysady.
