Fýtbol: Túrkistandyq «Arys» klýby premer-lıgaǵa qosyldy
NUR-SULTAN. QazAqparat – Túrkistan oblysynyń «Arys» klýby premer-lıgaǵa qosyldy, dep habarlaıdy QazAqparat tilshisi.
Klýbtyń baspasóz qyzmeti málim etkenindeı, ótken maýsymda birinshi lıgada óner kórsetken «Arys» óz tobynda «Aqtóbeden» keıin ekinshi oryn alǵan bolatyn.
Bıyl Qazaqstan fýtbol federatsııasy atqarý komıtetiniń sheshimimen premer-lıga qatary 14 komandaǵa deıin keńeıtilgen bolatyn. Sondyqtan Oraldyń «Aqjaıyǵymen» birge «Arys» ta premer-lıgada oınaýǵa múmkindik aldy.
«Kostýın» áýesqoı klýby 2002 jyly qurylyp, bir jyldan keıin kásipqoılar qataryna qosyldy. 2004 jyly «Arys» bolyp atalyp, alaıda maýsym sońynda komanda tarap ketti.
2018 jyly «Arys» qaıta jandanyp, 2019 jyly ekinshi lıgada óner kórsetti. Osy maýsymnyń qorytyndysy boıynsha birinshi lıgaǵa joldama aldy.
Osylaısha «Arys» klýby óz tarıhynda alǵash ret premer-lıgada oınamaqshy.
Komandanyń bas bapkeri – qazaqstandyq maman Ábdihalyq Bóribaev. Jattyqtyrýshylar quramyna sondaı-aq Farhatbek Irısmetov, ıÝrıı Novıkov, Kýldosh Eshjanov kiredi.
Eske sala keteıik, budan buryn «Aqjaıyqtyń» premer-lıgaǵa qaıtyp oralǵanyn jazǵan bolatynbyz.
