Fýtbol tóreshileri Chempıondar lıgasynda vıdeoqaıtalaý qurylǵysyn paıdalanbaq
ASTANA. QazAqparat - Tóreshilerge vıdeokómek júıesi (VAR) Chempıondar lıgasynda kelesi maýsymnan bastap qoldanyla bastaıdy. Mundaı sheshimdi Shveıtsarııanyń Non qalasynda ÝEFA atqarý komıteti qabyldady, dep habarlaıdy bbc.com.
VAR Chempıondar lıgasynda 2019/20 jylǵy maýsymnan jáne Eýropa lıgasynda 2020/21 jylǵy maýsymnan bastap paıdalanylady. Al Ulttar lıgasynda vıdeoqaıtalaýlar júıesi 2021 jyly qoldanyla bastaıdy.
Reseıde ótken 2018 jylǵy Álem chempıonaty vıdeoqaıtalaý júıesi alǵash ret qoldanyldy.
Bul tóreshilerge daýly sátterdiń qaıtalaýlaryn vıdeodan kórip, naqty sheshim qabyldaýǵa múmkindik beredi.
