Fýtbol: «Tobylǵa» tájirıbeli qaqpashy keldi
QOSTANAI. QazAqparat - «Tobyl» fýtbol klýby 35 jastaǵy qaqpashy Jasur Nárziqulovpen kelisimshartqa otyrdy, dep habarlaıdy QazAqparat klýbtyń resmı saıtyna silteme jasap.
Jasur Nárziqulov qostanaılyq klýbta jyl sońyna deıin oınaıdy.Onyń sporttyq mansaby 2005 jyly shymkenttik "Ordabasy" sapynda bastaldy. Keıin tájirıbeli qaqpashy "Aqtóbe" úshin óner kórsetti. 2008 jyly Jasur Ózbekstanǵa kóship ketip, "Ándijan", "Mashal" jáne "Qyzylqum"komandalarynda oınaǵan. 2011 jyly Qazaqstanǵa oralyp, "Qaısar" klýbymen kelisimshartqa otyrdy. Kelesi jyly ol Aqtóbege qonys aýdaryp, onda úsh maýsym ótkizdi. Sońǵy jyldary «Taraz», «Atyraý» jáne «Ordabasy» klýbtarynyń namysyn qorǵady.
Nárziqulovtyń qorjynynda QR chempıonatynyń eki altyn medali bar. Birneshe márte Qazaqstan chempıonatynyń úzdik qaqpashysy atanǵan.
