Fýtbol: «Tobyldyń» jańa quramy belgili boldy

Kezdesýde 2019 jylǵy fýtbol maýsymyna jasaqtalǵan komanda quramy tanystyryldy. Aıta keteıik, bıyl klýbqa jańadan birneshe oıynshylar keldi. Atap aıtqanda, qaqpashylar - Balaev pen Pasechenko, qorǵaýshylar - Kleşenko men Semchenkov, jartylaı qorǵaýshylar - Bocharov, Valıýllın, Gordeıchýk jáne shabýylshy - Sebaı. Sonymen qatar klýbty belgili reseılik maman Vladımır Gazzaev jattyqtyrady.

«Tobyldyń» jańa quramymen tanysýdan soń jankúıerler saýal qoıýǵa kóshti. Aldymen, selektsııalyq jumystar jóninde suraq qoıyldy. Klýb basshylary aldaǵy ýaqytta komandaǵa kerek ər oıynshyny saqtaýǵa ýəde etti. Jıylǵan jurt úzdik oıynshylardyń biri Maksım Fedındi ustap qalý jaǵyn da aıtyp qaldy. Bul suraqqa komandanyń dırektory Nıkolaı Panın jaýap berdi.

«Komandanyń shynaıy jankúıerlerine alǵys aıtamyz. Sizderdiń ər usynysyńyzdy eskerip, talqylaıtyn bolamyz. Osyndaı jankúıerleri barda Maksım eshqaıda ketpeıdi degen oıdamyn», - dedi klýb basshysy.

Birneshe suraq komanda kapıtany Azat Nurǵalıevke qoıyldy. Máselen, Naýryzbaı Ámirhamzın esimdi jankúıer: «Azat, 2010 jylǵy quramnan siz ǵana qaldyńyz. Bıylǵy jigitter sol sizderdiń erlikti qaıtalaı ala ma?» - dedi.

«Bıyl «altynnan» úmit bar. Daryndy jastar keldi. Rasyn aıtý qajet, ol kezde zaman basqa edi. Qazir basqa ýaqyt. Sondyqtan artyq ýáde bermeımin. Degenmen, osy jyly jankúıerlerimizdi jeńistermen qýantý úshin bardy salamyz», - dep túsindirdi kapıtan.

Kezdesýde basqa da suraqtar men tilekter boldy. Shara sońynda jankúıerler súıikti oıynshylarymen áńigmelesip, estelik sýretke túsýge múmkindik aldy.

Sonymen «Tobyldyń» 2019 jylǵy fýtbol maýsymyna qatysatyn tolyq quramy mynadaı:

Qaqpashylar: Balaev, Býsýrmanov, Pasechenko.

Qorǵaýshylar: Ábilǵazy, Dmıtrenko, Kassaı, Kleşenko, Mıroshnıchenko, Sartakov, Semchenkov.

Jartylaı qorǵaýshylar: Bocharov, Valıýllın, Gordeıchýk, Jarynbetov, Jýlpa, Kankava, Kvekveskırı, Nurǵalıev, Fedın.

Shabýylshylar: Turysbek, Sebaı.