Fýtbol: «Tobyldyń» bas bapkeri qyzmetinen ketti
QOSTANAI. QazAqparat - Qostanaıdyń «Tobylyn» jattyqtyryp kelgen Vladımır Nıkıtenko qyzmetinen bosatyldy, dep habarlaıdy QazAqparat klýbtyń resmı saıtyna silteme jasap.
Buǵan deıin Vladımır Nıkıtenko «Tobyldyń» Eýropa Lıgasyndaǵy joryǵy aıaqtalǵan soń klýb basshylyǵynan qyzmetinen bosatýdy ótingenin habarlaǵan bolatynbyz.
Búgin klýb basshylyǵy bas bapkerdiń ótinishin qabyldap, jumysynan bosatý týraly sheshim shyǵardy. Sonymen qatar komandanyń bapkerlik qosynyndaǵy ıÝrıı Konkov pen Aleksandr Goroshınskıı de qyzmetinen ketti.
Endi «Tobyldyń» bas bapkeri mindetin Andreı Gennadevıch Mıroshnıchenko atqarady. Ol buǵan deıin «Aqtóbede» selektsıoner-bapker qyzmetinde bolǵan. 2014 jyly komandanyń sport dırektory bolyp taǵaıyndaldy. Al sońǵy eki jylda «Tobyldyń» quramyna kirdi.
Eske salsaq, «Tobyl» kelesi oıynyn 5 tamyzda «Ordabasyǵa» qarsy ótkizedi.
