Fýtbol: «Tobyl» jeńip turyp, ese jiberdi
QOSTANAI. QazAqparat - Qostanaıdyń «Tobyly» óz alańynda Taldyqorǵannyń «Jetisý» komandasyn qabyldady, dep habarlaıdy QazAqparat.
Oıyn basynda-aq alań ıeleri eki márte qaýipti shabýyl uıymdastyrdy. Aldymen, Nıka Kvekveskırı gol soǵatyn múmkindikti múlt jiberse, artynsha Aslan Darabaev aıyp alańyna asyrylǵan dopqa sál jetpeı qaldy.
Qarymta shabýyldardyń birinde «Jetisý» fýtbolshylary esep ashty. Alańnyń orta tusynda Djaba Kankavanyń qateligin paıdalanǵan Devıd Mavýtor áriptesi Rýslan Stepanıýkti alǵa jumsady. Qaqpashymen jeke shyqqan Mavýtor qatelesken joq! 0-1!
Kóp uzamaı «Tobyl» tarazy basyn teńestirdi. Azat Nurǵalıevten dop alǵan Nıka Kvekveskırı qaqpanyń oń jaq buryshyn dál kózdedi. Іle-shala uıymdastyrylǵan shabýyl da óz jemisin berdi. Djaba Kankava aıyp alańyna aınaldyra dop kótergen. Birinshi jetken Azat Nurǵalıev baspen soqty.
Ekinshi taımda alań ıeleri qorǵanysqa mán bere oınady.
Kezekti qarymta shabýyldardyń birinde taldyqorǵandyqtar esepti teńestirdi. Ionýts Larıe aıyp alańynda Rýslan Stepanıýkti shalyp jyqty. Penaltı! Al ózbek fýtbolshysy Serdar Djeparov núkteden qatelespedi.
Oıyn 2:2 esebimen aıaqtaldy. «Tobyl» kezekti ret óz alańynda úsh upaıdan qaǵyldy.
