Fýtbol: «Tobyl» jeke dara kósh bastady
ASTANA. Sáýirdiń 12-si. QazAqparat /Ernur Aqanbaı/ - Fýtboldan Premer-lıga komandalary arasynda Qazaqstan chempıonatynyń 4-shi týrynan keıin Qostanaıdyń «Tobyl» komandasy jeke dara kósh bastady,
dep habarlaıdy QazAqparat.
Bul týrda «Tobyl» óziniń basty qarsylasy, ótken maýsymdaǵy el chempıony - «Aqtóbe» klýbyna qonaqqa baryp, 3:1 esebimen jeńiske jetti. Al, Qaraǵandynyń «Shahteri» bolsa Oraldyń «Aqjaıyǵyn» qabyldap, 3:2 esebimen basym tústi. Sóıtip týrnır kestesinde ekinshi orynǵa shyqty. Óz alańynda Astananyń «Lokomotıv» komandasyn qabyldap, 1:0 esebimen utqan «Taraz» úshinshi orynǵa ornyqty. Tórtinshi týrdaǵy qalǵan matchtardyń nátıjesi mynadaı: «Atyraý»-«Ordabasy» 1:0, «Ertis»-«Qaırat» 1:0, «Oqjetpes»-«Jetisý» 0:0. Premer-lıga komandalary arasyndaǵy 5-shi týrdyń oıyndary sáýirdiń 15-de ótedi.
