Fýtbol: «Tobyl» Túrkııada teń oınady
QOSTANAI.QazAqparat - Qostanaıdyń «Tobyly» alǵashqy oqý-jattyǵý jıynynda teń oınady, dep habarlaıdy QazAqparat.
Qostanaılyqtar osy jyldaǵy birinshi matchyn Vengrııanyń «Akıvtal» komandasymen ótkizdi. Kezdesýdiń basynan-aq «Tobyl» fýtbolshylary oıyn basymdyǵyn ózderinde ustady. Aldymen, shabýylshy Baýyrjan Turysbek gol soǵatyn eki birdeı múmkindikti paıdalana almady.Onyń qateligin komanda kapıtany Azat Nurǵalıev túzetti. Djaba Kankavanyń pasynan soń Azat qorǵaýshydan sytylyp shyǵyp, dopty qaqpashynyń ústinen asyra tastady. 1:0. Birinshi taımda osy esep saqtaldy.
Ekinshi taımda qos komanda oıynǵa ózgerister engizdi. «Tobyl» bapkeri Valerıı Gazzaev jas fýtbolshylarǵa senim artty. Sonyń nátıjesinde, vengrııalyqtar tarazy basyn teńestirip ketti. Kezdesý 1:1 esebimen aıaqtaldy. Endi «Tobyl» Ázerbaıjannyń «Sabah» klýbymen oınaıdy. Match 16 qańtarǵa belgilengen.
Buǵan deıin «Tobyl» fýtbol klýbyna reseılik maman Vladımır Gazzaev bas bapker bolyp taǵaıyndalǵanyn habarlaǵan bolatynbyz.
