Fýtbol: «Tobyl» Túrkııada qarsylasymen teń oınady
NUR-SULTAN. QazAqparat – Qostanaılyq «Tobyl» fýtbol klýby Dýbaıdaǵy oqý-jattyǵý jıynyndaǵy alǵashqy matchyn ótkizdi, dep habarlaıdy QazAqparat klbýtyń resmı saıtyna silteme jasap.
Joldastyq kezdesý Slovakııanyń «Jılına» komandasyna qarsy ótti. Oıynnyń basynda qostanaılyqtar basym kóringen. Birneshe qaýipti shabýyl uıymdastyryp, qarsylastardy qos qaptaldan qysyp baqty. Alaıda qarymta shabýyldardyń birinde «Jılına» oıynshysy Branıslav Slýka «Tobyl» qaqpasyn dál kózdep, esep ashty.
Qazaqstandyq komandanyń sapynan Senın Sebaı gol soǵyp, tarazy basyn teńestirdi. Osylaısha, «Tobyl» Slovakııanyń birneshe dúrkin chempıony, Eýropa lıgasynyń qatysýshysymen teń oınady.
