Fýtbol: «Tobyl» Tájikstannyń ataqty komandasymen kezdesti
QOSTANAI. QazAqparat - Qostanaılyq «Tobyl» Túrkııadaǵy jattyǵý jıyndary aıasynda kezekti matchyn ótkizdi, dep habarlaıdy QazAqparat.
«Tobyl» ekinshi jattyǵý jıynynda Tájikstannyń ataqty klýby - «Istıklolmen» kezdesti. Qostanaılyqtar oıyn bastalysymen basymdyqqa ıe boldy. Áýeli, Gordeıchýk pen Mıroshnıchenko qarsylastarynyń qaqpasyn soqqylarymen mazalady. Alaıda, olarǵa sáttilik jetispedi. Burysh dobynan soń «Istıklol» fýtbolshysy tablodaǵy esepti ózgertken. Biraq, Gordeıchýk aqyry degenine jetti. Ol Djaba Kankavanyń pasynan soń dáldik tanytty. Osylaısha, matchtyń birinshi bóligi 1:1 esebimen aıaqtaldy.
Oıynnyń aıaqtalýyna bes mınýt qalǵanda Maksım Fedın qostanaılyqtarǵa jeńis ákeldi. Ol Djaba Kankavanyń pasyn sátti paıdalandy.
Aıta keteıik, «Istıklol» - Dýshanbe qalasynyń fýtbol klýby. Tájikstan ulttyq chempıonatynda 2007 jyldan bastap óner kórsetedi. Osy ýaqytqa deıin birneshe márte el chempıony men kýbogin ıelendi. Eki ret fýtboldan Azııa kýboginiń fınalyna jetken.
