Fýtbol: «Tobyl» Taldyqorǵanda jeńdi
QOSTANAI. QazAqparat - Fýtboldan Qazaqstan Premer-Lıgasynyń 1-týrynda «Tobyl» Taldyqorǵannyń «Jetisý» klýbyn utty, dep habarlaıdy QazAqparat.
«Tobyl» aıaqdopshylary kezdesýdi jyldam qarymta shabýylmen bastady. Komanda kapıtany Azat Nurǵalıev pen Jasulan Moldaqaraev «Jetisý» qaqpasyna eki-úsh márte soqqy baǵyttady. Kezekti qarymta shabýylda esep ashyldy. Alań ortasynan pas alǵan Baýyrjan Turysbek sol jaq buryshqa shirene tartty. 0:1! Osylaısha, qostanaılyqtardyń 2018 jylǵy fýtbol maýsymynyń avtory belgili boldy.
Aslan Darabaevtyń shyǵýymen qostanaılyqtar da jyldam shabýyldarǵa ıek artty. Aldymen, Nıka Kvekveskırı, munan soń Maksım Fedın soqqy jasap kórdi. Biraq, olarǵa dáldik jetispedi. Match sońyna taman «Jetisý» shabýylshysy Sabyrhan Ibraev esep teńestiretin sátti paıdalana almady. Ol qorǵaýshy Oganesıan kótergen dopty qıys urdy.
Toqsan mınýt ta túgesildi. «Tobyl» 1-týrda jeńiske jetti.
Aıta keterligi, búgin elimizdiń alty qalasynda Qazaqstan fýtbol chempıonatynyń birinshi týr oıyndary ótti. «Ordabasy» Shymkentte Qaraǵandynyń «Shahterimen» kúsh synasty. «Qaısar» óz alańynda «Aqtóbemen» oınady. «Ertis» bolsa «Atyraýmen» kezdesti. Elimizdiń birneshe dúrkin chempıondary sanalatyn «Astana» Oraldyń «Aqjaıyǵyn» qabyldady.
Foto: sports.kz
