Fýtbol: «Tobyl» Shymkentte aqtóbelikterdi jeńdi
QOSTANAI. QazAqparat - Qostanaıdyń «Tobyly» Aqtóbeniń ózi attas komandasyn jeńdi, dep habarlaıdy QazAqparat.
QR Premer-lıgasynyń 5-týryndaǵy «Aqtóbe»-«Tobyl» kezdesýi Shymkentte ótti. Sebebi, Aqtóbeniń ortalyq stadıony fýtbol oıyndaryn ótkizýge áli daıyn emes.
Osy oıyndaǵy esep 6-mınýtta ashyldy. «Tobyldyq» Azat Nurǵalıevtiń usynǵan pasyn Anton Shınder golǵa aınaldyrdy. Aıta ketý kerek, bul Shınderdiń el birinshiligindegi úshinshi goly. Osylaısha, ol mergender tizimine qosyldy.
Match sońyna taman brazılııalyq legıoner Reınaldo «Aqtóbe» qorjynyna 1 gol salar edi. Átteń, ol oń qaptaldan asyrylǵan dopty óz yrqyna baǵyndyra almady.
Kezdesý osy eseppen aıaqtaldy. Endi «Tobyldyń» Premer-lıgadaǵy kelesi oıyny 22 sáýirde «Aqjaıyqqa» qarsy ótedi.
