Fýtbol: «Tobyl» Ońtústik Koreıa komandasymen kezdesti
QOSTANAI. QazAqparat - Qostanaılyq fýtbolshylar Túrkııadaǵy oqý-jattyǵý jıyndaryn jeńilispen aıaqtady, dep habarlaıdy QazAqparat.
«Tobyldyń» baspasóz qyzmetinen málim etkendeı, búgin komanda Ońtústik Koreıanyń «Tedjon sıtızen» komandasymen kezdesti. Oıynnyń alǵashqy bóliginde koreıalyqtar Emıl Balaev qaqpasynan sańylaý taýyp, gol soqty - 0:1. Birinshi taım aıaǵyna taman eki komandanyń oıynshylary qaqtyǵysqa jol berdi. Nátıjesinde, tóreshi qos komandadan bir-bir fýtbolshyny alańnan qýdy.
Ekinshi taımda komandalar tolyq qurammen shyqty. Bul ózara kelisim boıynsha jasaldy.
Ekinshi taımda «Tedjon sıtızen» esepti taǵy da eseledi. Munan soń komandaǵa jańadan kelgen Sebaı «Tobyl» sapyndaǵy alǵashqy golyn soqty. Qorytyndy esep - 1:2.
Osymen qostanaılyqtardyń Túrkııadaǵy oqý-jattyǵý jıyndary aıaqtaldy.
Buǵan deıin ázerbaıjandyq qaqpashy Emıl Balaevtyń Qostanaı klýbyna aýysqanyn jazǵan edik.
