Fýtbol: «Tobyl» «Oqjetpesten» basym tústi

ASTANA. QazAqparat - Fýtboldan Premer-lıga komandalary arasyndaǵy el birinshiliginde 11-týrynda «Tobyl» «Oqjetpesten» basym tústi, dep habarlaıdy QazAqparat tilshisi.

Atalǵan týrdyń ekinshi oıyn kúninde Qostanaıdyń «Tobyly» elordada kókshetaýlyq «Oqjetpespen» kezdesti.

Kezdesýde kóshetaýlyq komanda alǵashqy bolyp esep ashty. Oıynnyń 7-mınýtynda Maksım Drachenko «Tobyl» qaqpasynan sańylaý tapty. Oǵan 17-mınýtta qostanaılyq klýbtan Serikjan Mýjıkov bir golmen jaýap qaıyrdy.

Ekinshi kezeńniń 72-mınýtynda «Tobyl» shabýylshysy Serj Deble óz komandasyn alǵa shyǵardy.

Osylaısha qostanaılyq klýb qarsylasynan 2:1 esebimen basym tústi.

Aıta ketsek, 27 mamyrda «Maqtaral» «Qaıratty» 3:1 esebimen jeńip ketti.

Sondaı-aq, «Kaspıı» men «Shahter» kezdesýinde 1:1 esebimen teń tússe, «Aqsý» óz alańynda «Jetisýdy» 2:1 esebimen tize búktirdi.

Endi búgin, 28 mamyrda «Qyzyljar» (Petropavl) men «Ordabasy» (Shymkent), «Atyraý» men «Astana», «Qaısar» (Qyzylorda) men «Aqtóbe» jasyl alańǵa shyǵady.