Fýtbol: «Tobyl» men «Ordabasy» teń oınady
QOSTANAI. QazAqparat - Fýtboldan Qazaqstan chempıonatynyń kezekti týrynda Qostanaıdyń «Tobyly» óz alańynda «Ordabasyny» qabyldady, dep habarlaıdy QazAqparat.
Tóreshi Bolat Qarlybaevtyń ysqyryǵy estilisimen alań ıeleri jyldam gol soǵyp alýǵa kóshti. Ásirese, Djaba Kankava, Maksım Fedın, Aslan Darabaevtardyń soqqylary «Ordabasy» qaqpashysyn iske qosýǵa májbúrledi. Birinshi taımnyń ortasyna taman Vıktor Dmıtrenko qostanaılyqtardy alǵa shyǵaratyn múmkindikti múlt jiberdi. Munan soń shymkenttikter A.Dıakate men J.Moldaqaraev belsendi boldy. Biraq, olardyń tepken doptaryn «Tobyl» qaqpashysy Dmıtro Nepogodov keri qaıtaryp jiberdi.
«Tobyl» ekinshi taımda esep ashty. Nıka Kvekveskırıdiń pasynan soń Aslan Darabaev dopty qaqpaǵa baspen kirgizdi. Tablodaǵy esep - 1:0! Óz kezeginde Shymkent fýtbolshylary esepti jyldam teńestirýge tyrysty. Bul qadam nátıjeli boldy. Kóp uzamaı Nemanıa Koıch tarazy basyn teńestirdi.
Osy esep match aıaǵyna deıin saqtaldy.
«Tobyl» týrnır kestesinde úshinshi orynda. Al «Ordabasy» qostanaılyqtardy ókshelep jetip aldy.
