Fýtbol: «Tobyl» men «Astana» teń nátıjege qanaǵat bildirdi
NUR-SULTAN. QazAqparat - Búgin fýtboldan Premer-lıga komandalary arasyndaǵy el birinshiliginiń úshinshi týry máresine jetti, dep habarlaıdy QazAqparat tilshisi.
Atalǵan týrdaǵy sońǵy oıyn Qostanaıda jergilikti «Tobyl» men elordalyq «Astana» komandalary arasynda ótti. Eki ujym da týrnır kestesinde joǵary bóliginde tur. Jylma-jyl júldeli oryndarǵa talasyp keledi. Bıyl da sol qarqynda oıyn kórsetýge tyrysyp júr.
Kezdesýde esepti alǵash bolyp alań ıeleri ashty. Olardyń qatarynan Sergeı Malyı ózine berilgen múmkindikti múlt jibergen joq. Budan keıin oıyn alma-kezek shabýylmen órbidi. Al 83-mınýtta «Astana» sapynan Jarko Tomashevıch tarazy basyn teńestirip ketti. Osylaısha oıyn 1:1 esebimen teń aıaqtaldy.
Sondaı-aq, búgin Petropavldyń «Qyzyljary» óz alańynda Qaraǵandynyń «Shahterin» 2:0 esebimen súrindirdi. Al «Qaırat» óz alańynda «Tarazben» teń tússe, Shymkenttiń «Ordabasy» klýby Oraldyń «Aqjaıyǵynan» 2:1 esebimen tize búktirdi.
4 sáýirde Túrkistanda «Turan» men Qyzylordanyń «Qaısary» 1:1 esebine qanaǵat bildirse, óz alańynda «Atyraý» «Aqtóbege» 1:3 esebimen ese jiberdi.
Endi tórtinshi týr oıyndary 9 jáne 10 cáýir kúnderi ótkiziledi. Aldymen 9 sáýirde «Taraz» ben «Shahter», «Aqtóbe» men «Ordabasy», «Qaısar» men «Kaspıı», «Aqjaıyq» pen «Qyzyljar» kezdesse, 10 cáýirde «Astana» men «Atyraý», «Jetisý» men «Tobyl», «Qaırat» pen «Turan» komandalary oınaıdy.
Foto: fcastana.kz
