Fýtbol: «Tobyl» qaqpashysy rekord jańartty
QOSTANAI. QazAqparat – Qostanaılyq «Tobyldyń» qaqpashysy Emıl Balaev óz qaqpasyna 699 mınýt boıy gol jibermegen. Bul 2019 jylǵy fýtbol maýsymynyń jańa rekordy, dep habarlaıdy QazAqparat.
Ázerbaıjan quramasynyń qaqpashysy sońǵy ret osy jyldyń 28 shildesi kúni «Qaısar» shabýylshysy Kýle Mbombodan gol jiberdi.
«Emıl Balaev osy maýsymdaǵy óziniń rekordyn qaıta jańartty. Buǵan deıin onyń kórsetkishi 683 mınýt bolǵan. Eger ol aldaǵy matchta 14 mınýt qaqpasyn «aman» ustasa, el birinshiligi tarıhyndaǵy úzdik 5 qaqpashynyń qataryna enedi», - dedi klýbtyń baspasóz qyzmetindegiler.
Balaevtan keıingi satyda «Jetisý» oıynshysy Almat Bekbaev tur. Ol 172 mınýt boıy qaqpasyna gol darytpady. Úzdik úshtikti «Tobyldyń» taǵy bir qaqpashysy Jasýr Nárziqulov túıindep tur.
Jalpy, qazaq fýtbolynyń tarıhynda eń joǵarǵy nátıje «Qaırat» fýtbolshysy Sergeı Boıchenkoǵa tıesili. Ol 2005-2006 jyldary qaqpasyna 921 mınýt boıy dop engizbegen.
