Fýtbol: «Tobyl» Dostastyq kýbogyndaǵy alǵashqy oıynyn «Býnedkormen» ótkizedi
ALMATY. 28 jeltoqsan. QazAqparat /Erbol Turymbetov/ - Búgin Reseıde ótetin fýtboldan Dostastyq kýbogynyń jerebe tartylý rásimi ótip, týrnırdiń kúntizbesi anyqtaldy. Bul týraly footbol.kz qazaq tildi elektrondy basylymy habarlady.
El chempıony «Tobyl» alǵashqy kezdesýin Ózbekstan chempıony «Býnedkorǵa» qarsy 15 qańtar kúni Sankt-Peterbor saǵatymen 13:00-de ótkizedi.
Al kelesi kúni qostanaılyqtar Armenııa chempıony «Mıkamen» oınaıdy. 18 qańtar kúni «V» tobynyń sońǵy kezdesýi «Tobyl» - «Skonto» arasynda ótpek. Bul toptaǵy barlyq kezdesýler «Peterbýrgskıı» sport kesheninde bolady.
Shırek fınalǵa shyqqan jaǵdaıda Qazaqstan chempıony «A» tobynyń jeńimpaz komandasymen oınaıdy. "A" tobynda «Inter» (Baký, Ázirbaıjan), «Iskra-Stal» (Rybnıtsa, Moldavııa), «Istıklol» (Dýshanbe, Tájikstan), «Neftchı» (Qoshqar Ata, Qyrǵyzstan) komandalary ózara synǵa túsedi. Shırek fınaldyń oıyndary 19 qańtarda, jartylaı fınal - 21 qańtarda, al aqtyq syn 23 qańtarda ótedi.
