Fýtbol: «Tobyl» bolgarııalyq klýbty utty
QOSTANAI. QazAqparat - Qostanaıdyń «Tobyly» oqý-jattyǵý jıyndaryndaǵy úshinshi matchyn ótkizdi, dep habarlaıdy QazAqparat tilshisi.
Túrkııa jerinde jattyǵyp júrgen «Tobyl» Bolgarııanyń «Arda» komandasymen kezdesti. Matchtaǵy jalǵyz gol birinshi taımda soǵyldy. Azat Nurǵalıevtiń buryshtamadan asyrǵan doby qaqpashynyń qolynan serpilip kirdi. Aıta keteıik, bul - Nurǵalıevtiń «Tobyl» sapyndaǵy birinshi oıyny.
Munan soń bolgarııalyq fýtbolshymen tóbelesip qalǵan Dmıtrıı Mıroshnıchenko alańnan qýyldy. 10 oıynshymen qalǵan «Tobyl» match sońyna deıin osy esepti saqtap qaldy.
Osylaısha, qostanaılyq klýb Túrkııadaǵy alǵashqy oqý-jattyǵý jıyndaryn aıaqtady. Komanda 28 qańtarda ekinshi jattyǵý jıyndaryna attanbaq.
