Fýtbol: «Tobyl» bapkeri rekord ornatty
QOSTANAI. QazAqparat - Qostanaıdyń «Tobylyn» baptaıtyn reseılik maman Qazaqstan chempıonatyndaǵy rekordty ornatty, dep habarlaıdy QazAqparat klýbtyń resmı saıtyna silteme jasap.
Ótken týrda Qostanaıdyń «Tobyly» kókshelik«Oqjetpesti» utyp, maýsymda bastalǵaly besinshi jeńisin toılady. Osylaısha, Vladımır Gazzaev shákirtteri Qazaqstan chempıonaty tarıhyndaǵy jeke rekordyn ornatty. Buǵan deıin 2006 jyly Dmıtrıı Ogaı baptaǵan komanda maýsym basyndaǵy tórt oıynda upaı joǵaltpaǵan-tyn. Eske alsaq, D.Ogaı shákirtteri 2006 jylǵy 8 sáýir kúni Pavlodarda «Energetık» klýbynan 1:2 esebimen basym tússe, bir aptadan soń «Tarazǵa» qonaqqa baryp, 2:3 esebimen utty. Munan soń qostanaılyqtar óz alańyda «Shahter» men «Atyraýdy» tizek búktirdi. Taǵy bir aıta keterligi, 2006 jylǵy maýsym basynda «Tobyl» 12 match boıy utylmady.
V.Gazzaev shákirtteriniń bul kórsetkishti jaqsartýǵa múmkindigi jetedi. Endigi oıyn 20-sáýirde «Jetisýǵa» qarsy ótedi.
