Fýtbol: «Tobyl» ataqty reseılik klýbty jeńdi
QOSTANAI. QazAqparat - Qostanaıdyń «Tobyly» joldastyq kezdesýde reseılik «Rýbın» komandasyn jeńdi, dep habarlaıdy QazAqparat.
Oıyn Túrkııanyń Belek qalasynda ótti. Komandalar birinshi mınýttan ashyq fýtbol kórsetti. Aıta keteıik, qostanaılyqtardyń bas bapkeri Vladımır Gazzaev alańǵa birneshe jas oıynshylardy shyǵardy. Birinshi taımnyń ortasynda Maksım Fedın kezdesýdegi jalǵyz goldy soqty. Ol sol qaptaldan Rýslan Valıýllınniń bergen pasyn keregine jaratty.
Osylaısha, «Tobyl» sońǵy jyldardaǵy Reseıdiń myqty komandalarynyń birin jeńe bildi. «Rýbın» komandasy 2008 jyly óz tarıhynda tuńǵysh ret Reseı chempıony ataǵyn jeńip aldy. Chempıondar lıgasynyń toptyq kezeńinde óner kórsetip, syrt alańda áıgili «Barselonany» tize búktirgen edi. Komandany Qurban Berdyev jattyqtyrady.
Qostanaılyqtar «Rýbınge» qarsy myna qurammen shyqty:
Balaev, Kleşenko, Kankava, Dmıtrenko, Mıroshnıchenko, Jýlpa, Kvekveskırı, Valıýllın, Bocharov, Gordeıchýk, Fedın.
