Fýtbol: «Tobyl» ataqty «Dınamony» utty
NUR-SULTAN. QazAqparat – Qostanaıdyń «Tobyl» komandasy Ýkraınanyń «Dınamosyn» jeńdi, dep habarlaıdy QazAqparat.
Búgin qostanaılyqtar Túrkııadaǵy oqý-jattyǵý jıyndary aıasynda Ýkraınanyń 15 dúrkin chempıony «Dınamo» komandasymen kezdesti. Birinshi taımda Kıev fýtbolshylary 2:0 esebimen jeńdi.
Oıynnyń ekinshi bóliginde Grıgorıı Babaıan alańǵa birneshe tyń fýtbolshyny shyǵardy. Aldymen komanda kapıtany Azat Nurǵalıev penaltıden esep aıyrmasyn qysqartsa, Serikjan Mujyqov tarazy basyn teńestirdi.
Munan soń Roman Murtazaev pen Petros Avetısıan bir-birden gol soqty. Esep – 4:2! «Tobyl» jeńiske jetti.
Aıta keteıik, bul – qostanaılyq klýbtyń 2020 jyldaǵy birinshi jeńisi.
