fýtbol: "Tobyl" alǵashqy oqý-jattyǵý jıynny aıaqtady
ALMATY. 27 jeltoqsan. QazAqparat /Erlik Erjanuly/ - Búgin Antalııada aldaǵy fýtbol maýsymyna daıyndalyp jatqan Qostanaıdyń "Tobyly" alǵashqy oqý-jattyǵý jıynyn aıaqtady.
Oqý-jattyǵý jıyny 19 jeltoqsanda bastalǵan edi. Ravıl Sabıtov jattyqtyratyn qostanaılyqtar 21 jeltoqsanda alǵashqy joldastyq kezdesýin Podolskanyń "Vıtıaz" klýbymen ótkizip, 0:2 esebimen utyldy. Kelesi kúni Naberejnyı Chelnovtyń "KAMAZ" (Reseı) klýbyn 2:1, 24-inde Túrkııanyń "Tepotspor" komandasyn 12:2 esebimen utyp, 25-inde taǵy bir reseılik klýb "Fakelmen" (Voronej) 1:1 esebimen teń tústi.
Qazaqstan chempıony Túrkııadaǵy ekinshi jıynyn endi 5 qańtarda bastaıdy. Fýtbolshylar onda óz ázirligin jasandy alańda pysyqtamaq. Olar jańa maýsymǵa daıyndyqty alǵashqy jıynda tabıǵı alańda ótkizgen bolatyn. Onda klýb basshylyǵymen baıqaýǵa shaqyrylǵan 20 fýtbolshynyń arasynan alǵashqy bop "Aqtóbe" fýtbol klýbynyń oıynshysy Aleksandr Petýhov pen Astananyń "Lokomotıv" fýtbol klýbynyń legıoneri Vlade Lazarevskımen kelisimshart jasasty. Aldaǵy ýaqytta olardyń sany taǵy tolyǵa túsedi dep josparlanyp otyr.
