Fýtbol: «Taraz» premer-lıgadaǵy ornyn saqtap qaldy
NUR-SULTAN. QazAqparat – Taraz qalasynda jergilikti komanda premer-lıgadaǵy óz ornyn saqtap qalý úshin Oraldyń «Aqjaıyǵyn» qabyldady, dep habarlaıdy QazAqparat tilshisi.
Munyń aldynda Oralda ótken birinshi match 0:0 esebimen aıaqtalǵan bolatyn.
Bul joly alań ıeleri matchty óte qarqyndy bastady. Aldymen Samat Sársenov óz múmkindigin múlt jibermeı, esep ashty.
Kóp uzamaı S.Sársenovtiń soqqysyn «Aqjaıyqtyń» qaqpashysy Ilıa Karavaev qaıtarǵanymen, Abzal Taýbaı aldyna kelgen dopty dál baǵyttaı bildi. Sodan keıin A.Taýbaı esepti 3:0-ge jetkizdi.
«Tarazdyń» qorǵaýshysy, serbııalyq Aleksandr Sımchevıch óz qaqpasyna gol soǵyp aldy – 3:1.
Oraldyqtar baryn salyp baqty. Áıtkenmen esep ekinshi taımda da ózgere qoıǵan joq.
Osylaısha tarazdyqtar premer-lıgadaǵy óz ornyn saqtap qaldy. Al bıyl birinshi lıganyń qola júldegeri atanǵan «Aqjaıyqqa» joǵary topqa qaıta oralý úshin aldaǵy jylǵa úmit artýǵa týra keledi.
Eske sala keteıik, budan buryn «Aqjaıyq» pen «Tarazdyń» teń tarqasqanyn jazǵan bolatynbyz.
