Fýtbol: «Taraz» «Ordabasy» komandasynan basym tústi
NUR-SULTAN. QazAqparat - Búgin elimizde fýtboldan Premer-lıga komandalary arasyndaǵy Qazaqstan birinshiligi ekinshi týrynyń taǵy eki oıyny aıaqtaldy, dep habarlaıdy QazAqparat tilshisi.
Kókshetaýda jergilikti «Oqjetpes» Qyzylordanyń «Qaısar» komandasyn qabyldady. Alań ıeleri budan burynǵy eki týrda jeńilse, qyzylordalyq fýtbolshylar birinshi týrda úsh upaı oljalaǵan edi. Búgingi kezdesýdiń taǵdyryn jalǵyz gol sheshti. Ony 10-mınýtta «Qaısardyń» shabýylshysy Elgýdja Lobjanıdze óziniń enshisine jazdy. Aıta keterligi, ol birinshi týrda da mergendik tanytqan bolatyn. Kezdesýde «Qaısar» 1:0 esebimen jeńiske jetti.
Alǵashqy týrda jeńilistiń aşy dámin tatqan «Taraz» óz alańyndaǵy Shymkenttiń «Ordabasy» klýbymen kezdesýde táp-táýir oıyn kórsetti. Birinshi kezeńde shymkenttik fýtbolshylar óz qaqpasyna eki gol soǵyp aldy. Aleksandr Sımchevıch 4-mınýtta avtogol ıesi atansa, Aleksandr Kleşenko 33-mınýtta dál solaı múlt ketti. Úshinshi kezeń bastalǵannan keıin 47-mınýtta tarazdyq Abzal Taýbaı esepti ústemeleı tústi. Al 58 jáne 69-mınýttarda alań ıeleri qaqpasyna penaltı belgilendi. Ony «Ordabasy» oıynshysy Abdýllaı Dıakate múlt jibergen joq. Oıynda «Taraz» 3:2 esebimen jeńiske jetti.
Dál qazir birinshi kezeńnen keıin Aqtaýda «Kaspıı» elordalyq «Astanadan» 0:3 esebimen jeńilip jatsa, Qaraǵandynyń «Shahteri» Almatynyń «Qaıratynan» 1:0 esebimen basym túsýde.
Keshe «Jetisý» - «Tobyl» komandalary 0:0, «Ertis» - «Qyzyljar» komandalary 1:1 esebimen teń tústi.
