FÝTBOL: Talǵarda 19 jasqa deıingi jasóspirimder quramasy irikteý matchtaryna daıyndyqtan ótip jatyr
ASTANA. QazAqparat - 9 qyrkúıek kúni 19 jasqa deıingi Qazaqstan jasóspirimder quramasy Talǵarda oqý-jattyǵý jıynyn bastady, dep habarlady «Qazsport» agenttigi.
Ulttyq quramanyń bazasynda aǵa jattyqtyrýshy Oırat Sádýovtiń shákirtteri 9-15 qyrkúıek aralyǵynda jattyǵý júrgizedi. 12 qyrkúıek kúni Qyrǵyzstan jasóspirimder quramasymen joldastyq match ótkizedi. 16 qyrkúıek kúni fýtbolshylar Horvatııaǵa jol tartady. Ol jaqta Eýropa chempıonatynyń irikteý týrnıriniń matchtary ótedi. Qazaqstandyq fýtbolshylardyń qarsylastary - Vengrııa, Horvatııa jáne Chernogorııa quramalary. Jattyqtyrýshylar shtaby oqý-jattyǵý jıynyna kelesi fýtbolshylardy shaqyrdy: Qaqpashylar: Oleg Grýbov («Qaırat»), Egor Tsýprıkov («Bolat»), Bekjan Toqtarbaı («Ordabasy»); Qorǵaýshylar: Vıktor Zıabko («Oqjetpes»), Rústem Ábdirazaqov («Báıterek»), Rýslan Álimbaev («Shahter»), Aıbar Temirbaev («Aqtóbe»), Valerıı Lenkov («Ertis»), Meıirjan Kámbil («Báıterek»), Bolat Tynybek («Báıterek»); Jartylaı qorǵaýshylar: Maksım Kotov («Qaırat»), Rashıd Lıýhaı («Qaırat»), Maksım Gladchenko («Báıterek»), Ardaq Sáýlet («Astana»), Aleksandr Starodýbov («Qaırat»), Aıbolat Makýov («Atyraý»), Demııat Slambekov («Báıterek»), Gevorg Nadjarıan (TsSKA, Reseı); Shabýylshylar: Vıktor Pron («Astana»), Oralhan Ómirtaev («Shahter»), Arman Smaıylov («Ertis»), Vladıslav Vasılev («Shahter»), Mádıjan Aıtpaev («Báıterek») Jattyqtyrýshylar shtaby: Oırat Sádýov - aǵa jattyqtyrýshy, Qaırat Áýbákirov - jattyqtyrýshynyń kómekshisi, Aleksandr Ilchenko - dáriger, Igor Kýlısh - qaqpashylardyń jattyqtyrýshysy, Aleksandr Shapkın - massajshy, Maksım Shaýbert - ákimshi, Aleksandr Breıtkreıts - menedjer.
