FÝTBOL: Symaqov pen Lorııa «Qaıratqa» aýysýy múmkin
ASTANA. 5 maýsym. QazAqparat - Fýtboldan túriktiń «Rızespor» komandasynda oınaıtyn qazaqstandyqtar Samat Symaqov pen Davıd Lorııa «Qaırat» komandasyna aýysýy múmkin. Bul týraly «Alaman» habarlady.
Samat Symaqov pen Davıd Lorııa oınaıtyn «Rızespor» bıyl Túrkııa sýperlıgasyna shyqqan edi.
Symaqov «Qaıratqa» aýysýy týraly: «Árıne, Túrkııa sýperlıgasynda oınaǵym keledi. Biraq qazir áıelimniń aıaǵy aýyr. Jaqynda náresteli bolamyz. Sondyqtan sonyń qasynda bolǵym keledi. Qazir «Qaırat» pen «Rızespor» komandalary arasynda kelissóz júrip jatyr. Eger eki jaq kelisse, «Qaıratqa» aýysamyn. Al «Rızespor» meni bosatpaımyz dese Túrkııada oınaı beremin» dedi.
