Fýtbol: Stoılov shotlandııalyq «Seltıkti» qalaı jeńýge bolatynyn aıtty
ASTANA. QazAqparat - «Astana» FK bas bapkeri Stanımır Stoılov Chempıondar lıgasynyń biliktilik kezeńinde shotlandııalyq «Seltık» komandasyn qalaı jeńýge bolatynyn aıtyp berdi.
Stanımır Stoılov bapkerlik qupııalaryn «Seltık» klýbyna qarsy bolatyn oıynnyń aldynda «Astana Arena» stadıonynda ótken baspasóz máslıhatynda jaıyp saldy.
«Jeńis úshin bizge rýhty júrek pen salqynqandy bas kerek», - dedi S.Stoılov tilshilerge bergen jaýabynda. Sonymen qatar bas bapker bul oıynda «Astana» komandasyna sáttilik artyq bolmaıtyndyǵyn atap ótti.
«Jankúıerler stadıonda bizge qyzý qoldaý jasaıdy dep úmittenemiz, bul bizdiń komandaǵa qosymsha kúsh beredi», - dedi «Astana» bapkeri.
Onyń sózi boıynsha, erteńgi matchqa komanda kapıtany Tańat Nóserbaev qatyspaıdy. Degenmen «Jalgırıske» qarsy bolǵan oıynda alańǵa shyǵa almaǵan Azat Nurǵalıev kómekke keledi.
Eske sala keteıik, «Astana» FK Chempıondar lıgasynyń úshinshi biliktilik týrynda shotlandııalyq «Seltık» komandasyna qarsy ótkizedi. Komandalar «Astana-Arena» stadıonynda jergilikti ýaqytpen 20:00-de kezdesedi. Tikeleı efırde matchty Kazsport telearnasy kórsetedi. Qarymta kezdesý Glazgoda 3 tamyzda ótpek.
