Fýtbol stadıonyn salyp jatqan qurylysshylar ereýilge shyqpaq
ASTANA. QazAqparat - 2014 jylǵy fýtboldan álem chempıonaty úshin Manaýs qalasynda «Arena Amazonııa» stadıonynyń qurylysymen aınalysyp jatqan brazılııalyq jumysshylar ereýilge shyǵýǵa bel býyp otyr. Olar eńbek jaǵdaıyn jaqsartýdy talap etýde.
Atalǵan ereýil chempıonattyń bastalýyna birneshe aı qalǵanda, onsyz da úlgermeı jatqan qurylystyń qarqynyn tejeýi múmkin. Kásipodaq ereýildi bastaý kúnin 10 aqpanǵa belgiledi. Esterińizge sala keteıik, 7 aqpanda «Arena Amazonııa» qurylys alańynda krandy buzý kezinde 55 jasar jumysshy mert boldy. Sońǵy birneshe aıdan beri osy qurylys nysanynda bul úshinshi qaıǵyly oqıǵa. Stadıon maýsym aıynda Brazılııada ótetin fýtbodan álem chempıonatyna deıin tapsyrylýy tıis. Jaqynda FIFA prezıdenti Iozef Blatter bıylǵy chempıonatqa arnalǵan nysandardyń qurylys qarqynyn synǵa alǵan bolatyn.
