Fýtbol sporty el aımaqtarynda da jaqsy damyp keledi - Ádilbek Jaqsybekov
sp;ASTANA. Qarashanyń 16-sy. QazAqparat /Aıdar Ospanalıev/ - «Bıyl Qazaqstan fýtbolynda kóńil toltyrarlyqtaı birshama jetistikter boldy.
Esterińizde bolsa, aǵymdaǵy jylǵy Máskeýde ótken Táýelsiz Memleketter Dostastyǵy uıymynyń kýbogi úshin bolǵan jarysta qazaqstandyqtar jaqsy óner kórsetti. Qazaqstannyń mundaı baıraqty básekede aqtyq synda óner kórsetýiniń ózi maqtanarlyq jetistik. Ony sarapshylar da, fýtbol mamandary da moıyndap otyr. Osy turǵydan alǵanda elimizdiń fýtbolynyń bolashaǵy bar dep tolyq senimmen aıta alamyn», dedi Qazaqstan fýtbol federatsııasynyń prezıdenti, Qorǵanys mınıstri Ádilbek Jaqsybekov. Bul týraly ol keshe «Astana-arena» stadıonynda ótken Qazaqstan kýboginiń fınaldyq oıyndary aldynda jýrnalıstermen bolǵan brıfıngte málim etti, dep habarlaıdy QazAqparat.
Onyń aıtýynsha, Qazaqstan kýbogynda qazir buryn-sońdy úlken jarystarǵa shyǵyp kórmegen komandalar qatysýda. Osynyń ózi elde fýtbolǵa degen qyzyǵýshylyqtyń birshama arta túskendigin kórsetedi. ıAǵnı, fýtbol qazir aımaqtarda da erekshe yqylasqa ıe bolyp, oǵan qoldaý kórsetilýde. Nátıjesinde respýblıkalyq beskelerde óner kórsete alatyn jastar shyǵa bastady. Olar jarystarda sapaly da ádemi oıyn órnegin kórsetip júr. «Solardyń ishinde bolashaǵynan zor úmit kúttiretini - «Lokomotıv-Astana» komandasy. Árıne olardyń qarjylyq múmkindikteri mol bolǵandyqtan syrttan úzdik oıynshylardy satyp alý arqyly bolsa da, bıylǵy jyldyń fýtbol naýqanynda jaqsy óner kórsetti. Al qaraǵandylyq «Shahter» jergilikti oıynshylarǵa bás tikti jáne olardyń bul sharalary nátıjeli boldy. Atyraýlyqtardyń da oıyndary kóńil qýantady», dedi federatsııa prezıdenti.
