FÝTBOL: Sońǵy mınýtta I.Qýat Nıderlandy qaqpasyna gol saldy, esep 1:2
ASTANA. QazAqparat - Elordanyń «Astana Arena» stadıonynda ótip jatqan fýtboldan 2016 jylǵy Eýropa chempıonatynyń irikteý týrnırindegi Qazaqstan-Nıderland arasyndaǵy matchtyń 2-shi taımynyń sońǵy mınýttarynda Islambek Qýat qonaqtardyń qaqpasyna gol saldy. Esep - 1:2.
Aıta keteıik, oıynnyń 1-shi taımnyń 33-shi mınýtynda nıderlandyq fýtbolshy Veınaldým esep ashqan bolatyn. Odan keıin ekinshi taımnyń 50-shi mınýtynda nederlandyq fýtbolshy Ýeslı Sneıder Qazaqstan quramasynyń qaqpasyna 2-shi gol soqty. Oıynnyń 5-shi mınýtynda Baýyrjan Islamhan jaraqat alyp, onyń ornyna jasyl alańǵa Qazybek Geterıev shyqqan edi. Matchqa frantsııalyq referı Kleman Týrpen bastaǵan tóreshiler toby qazylyq etýde. Este bolsa, bul tóreshi 2011 jyly Túrkııa-Qazaqstan matchynda qyzmet atqarǵan bolatyn. Sol oıyn 2:1 esebimen túrik fýtbolshylarynyń jeńisimen aıaqtalǵan edi. Al, Týrpen sol kezdesýde 5 sary qaǵaz kórsetip, Túrkııa quramasynyń fýtbolshysy Inan Selchýkti alańnan qýdy. Qazaqstan quramasynyń sapynda Aleksandr Mokın, ıÝrıı Logvınenko jáne Tańat Nóserbaev sary qaǵaz aldy. Sonymen qatar, Qazaqstan quramasynyń qaqpasyna penaltı belgilendi. Alaıda, on bir metrlik aıyp dobyn oryndaǵan Býrak Iylmaz qaqpashy Aleksandr Mokınnen aılasyn asyra almady. 33 jastaǵy frantsııalyq tóreshige otandastary Frederık Kano men Nıkolıa Dano kómektesedi. Tórtinshi tóreshi - Hıshman Zakranı. Tóreshiniń qosymsha kómekshileri - Fredı Fotrel men Benýa Basten.
