Fýtbol: «Shahter» ÝEFA Chempıondar lıgasynyń úshinshi irikteý kezeńine shyqty. VIDEO
ALMATY. 24 shilde. QazAqparat - Keshe óz alańynda da Borısov qalasynyń «BATE» komandasyn 1:0 esebimen utqan Qaraǵandynyń «Shahter» fýtbol komandasy ÝEFA Chempıondar lıgasynyń úshinshi dárejelik raýndyna joldama aldy.
Belarýs aıaqdopshylarynyń bas bapkeri Vıktor Goncharev kezdesýden keıin, "eger komanda 180 mınýt boıy birde-bir dop soǵa almasa kelesi kezeńge shyǵýǵa eńbek sińirgen joq. Biz úshinshi raýndqa laıyqty emespiz", - dep óz jeńilisterin moıyndady. Belarýs chempıonatynyń 9 dúrkin chempıony qazir ishki birinshilikte de óz elindegi "Shahterden" keıingi ekinshi oryndy qanaǵat tutýda. Al Vıktor Kýmykov jattyqtyratyn qaraǵandylyqtar bolsa Qazaqstan chempıonatynda úshinshi orynda kele jatyr. Endi Chempıondar lıgasynyń úshinshi kezeńinde olar Baký qalasynyń "Neftchı" men Korcha qalasynyń "Skenderbeý"komandalary arasyndaǵy qarymta kezdesýdiń jeńimpazymen kezdesedi. Olar Korchadaǵy alǵashqy oıynda 0:0 esebimen teń túsken bolatyn.
