Fýtbol: «Shahter» tórtinshi oryn aldy
NUR-SULTAN. QazAqparat - Búgin fýtboldan Premer-lıga komandalary arasyndaǵy el birinshiliginde sońǵy týrdyń úsh oıyny ótkizildi, dep habarlaıdy QazAqparat tilshisi.
Búgingi týrda tórtinshi oryn taǵdyry sheshildi. Oǵan «Shahter» jáne «Ordabasy» komandalary talasty. Ekeýi de sońǵy týrǵa deıin atalǵan orynnan úmitker boldy.
«Shahter» Qostanaıdyń «Tobylymen» oıynda sońǵy mınýttarrǵa deıin gol soǵa alǵan joq. Al 88-mınýtta qostanaılyq klýb qaqpasyna belgilengen penaltıdi «Shahter» oıynshysy Arsen Hýbýlov múlt jibergen joq. Qaraǵandylyq klýb qarsylasyn 1:0 esebimen jeńdi.
«Ordabasy» komandasy sońǵy týrda Kókshetaýdyń «Oqjetpesinen» 2:1 esebimen basym tústi. Bul oıynda shymkenttik Sergeı Hıjnıchenko 4-mınýtta esep ashty. Oǵan «Oqjetpes» sapynan Taras Bondarenko 39-mınýtta bir golmen jaýap qaıyrdy. Al 56-mınýtta shymkenttik fýtbolshy Zıkı Badıbanga qaıtadan óz komandasyn alǵa shyǵardy. Al sońǵy mınýtta «Ordabasy» shabýylshysy Joao Paolo qorytyndy esepti belgiledi. Osylaısha «Ordabasy» qarsylasyn 3:1 esebimen tize búktirdi.
Týrnır kestesinde «Shahter» 32, «Ordabasy» 31 upaı jınady. Tórtinshi oryn «Shahterge» buıyryp, olar aldaǵy jyly eýrokýbokta baq synaýǵa múmkindik aldy. «Ordabasy» besinshi oryndy mise tutty.
Búgin elordalyq «Astana» 45-mınýtta Ivan Maevskıı soqqan goldan keıin Petropavldyń «Qyzyljaryn» 1:0 esebimen basym tústi.
Esterińizge sala ketelik, búgin taǵy eki oıynda «Jetisý» men «Kaspıı», «Taraz» ben «Qaırat» komandalary sheberlik baıqasady. Oıyn elorda ýaqytymen 18.00-de bastalady.
