Fýtbol: «Shahter» syrt alańda «Qyzyljarǵa» ese jiberdi
NUR-SULTAN. QazAqparat - Búgin fýtboldan Premer-lıga komandalary arasyndaǵy el birinshiligi úshinshi týrynyń taǵy bir kezdesýi aıaqtaldy, dep habarlaıdy QazAqparat tilshisi.
Bıyl elimizdiń atynan eýrokýbok oıyndarynda baq synaıtyn Qaraǵandynyń «Shahteri» atalǵan týrda ekinshi márte jeńilistiń aşy dámin tatty. Bul joly qaraǵandylyq ujym Petropavlda «Qyzyljar» komandasyna 0:2 esebimen ese jiberdi. Kezdesý barysynda alań ıeleri qatarynan Darko Zorıch 16, Shota Grıgalashvılı 40-mınýttarda mergendigimen kózge tústi.
Búgin taǵy eki oıynnyń birinshi kezeńi aıaqtaldy. Birinshi kezeńnen keıin óz alańynda Almatynyń «Qaıraty» «Tarazdan» 0:2 esebimen jeńilip jatyr. «Taraz» sapynan Pedro Eýjenıo 9, Baýyrjan Baıtana 35-mınýtta gol soqty.
Birinshi kezeńnen Shymkentte jergilikti «Ordabasy» Oraldyń «Aqjaıyǵymen» 0:0 esebimen teń túsýde.
Sondaı-aq, búgin Qostanaıda «Tobyl» men elordalyq «Astana» sheberlik baıqasady.
Esterińizge sala ketelik, 4 qyrkúıekte atalǵan týrdaǵy úshinshi oıyn ótkizildi.
