FÝTBOL: «Shahter» komandasy «Skenderbeý» klýbyn oısyrata jeńdi
ASTANA. 31 shilde. QazAqparat - Qaraǵandynyń «Shahter» komandasy keshe «Astana-Arenada» ótken Chempıondar lıgasynyń úshinshi irikteý kezeńiniń alǵashqy oıynynda «Skenderbeý» klýbyn 3:0 esebimen utty.
Oıynnyń birinshi taımynda qaraǵandylyqtar tolyq ústemdik qurdy. Jetinshi mınýtta Aleksandr Sımchevıchtiń buryshtan áýeletken dobyn Aldın Djıdıch múlt jibermeı, baspen gol saldy. Budan keıin bizdiń fýtbolshylar Orges Shehı qorǵaǵan qaqpaǵa bes alty ret qaýipti soqqy baǵyttap úlgerdi. Degenmen alǵashqy taımda tablodaǵy esep saqtaldy.
Ekinshi taımdy albanııalyqtar qarqyndy bastaǵan. Birneshe qaýipti shabýyl uıymdastyrǵanymen qorǵanysymyz syr bermedi. Keıin bas bapker Kýmykov Zenkovıchtiń ornyna Roman Mýrtazaevty shyǵarǵan. Ol 74 mınýtta gol salǵanymen, tóreshi ofsaıd dep eseptemedi. Araǵa tórt mınýt salyp, Roman Vıchıýstiń pasyn ádemi paıdalanyp, teńbil dopty torda týlatty. Al 90 mınýtta Hıjnıchenko tablodaǵy esepti 3:0-ge jetkizdi.
Osylaısha bizdiń klýb óz alańynda asa qajetti jeńiske qol jetkizdi. Endi qarymta kezdesýde teń oıynnyń ózi de jetkilikti, dep jazady «Alaman».
