Fýtbol: Serbııanyń jasóspirimder quramasy QR Prezıdentiniń kýbogyn jeńip aldy
ASTANA. Mamyrdyń 1-i. QazAqparat /Ernur Aqanbaı/ - Serbııanyń jasóspirimder quramasy keshe Astanada aıaqtalǵan fýtboldan jasóspirimder arasynda QR Prezıdentiniń kýbogy úshin týrnırdiń jeńimpazy atandy,
dep habarlaıdy QazAqparat.
Olar fınalda Reseıdiń «Zenıt» (Sankt-Peterbor) komandasyn 7:0 esebimen jeńdi. Taǵy bir reseılik klýb «TsSKA» (Máskeý) jarystyń qola júldegeri atandy. Olar úshinshi oryn úshin bolǵan matchta Qazaqstannyń «Tsesna» (Astana) komandasyn match sońyndaǵy penaltıden 8:7 esebimen utty. Oıynnyń negizgi ýaqyty 1:1 esebimen teń aıaqtalǵan bolatyn. Qalǵan oryndardy Túrkııanyń «Galatasaraı», Ózbekstannyń «Býnedkor» (Tashkent), Ázirbaıjannyń «Baky», Qytaıdyń Shyńjań-Uıǵyr Avtonomııalyq Respýblıkasynyń komandasy ıelendi.
Aıta keteıik, jarysty Qazaqstan Fýtbol federatsııasy men «Nur Otan» partııasy uıymdastyrdy. Bıyl bul týrnırge 1994 jyldan keıin týylǵan jasóspirim fýtbolshylar qatysty. Týrnırde jeńimpaz atanǵan komanda - 10 myń, ekinshi oryn alǵan komanda - 6 myń, úshinshi oryn alǵan komanda - 3 myń AQSh dollaryn aldy. Bul týrnır osymen úshinshi márte uıymdastyryldy. Alǵashqy ekeýi 2008 jáne 2009 jyldary Almatyda ótti. Birinshi týrnırde Túrkııanyń «Beshıktash» komandasy, al ekinshisinde Brazılııanyń «Ole Brazıl Klab» klýby kýbokty jeńip aldy.
