FÝTBOL: S.Smaqov «Aqtóbede» oınamaıtyn boldy
ASTANA. QazAqparat - «Aqtóbe» FK-nyń basshylyǵy Samat Smaqovtyń klýbqa qaıta oralýy týraly ortaq kelisimge kele almady, dep habarlaıdy Vesti.kz.
«Aqtóbe» FK basshylyǵy klýbtyń burynǵy kapıtanyna qolaıly jaǵdaı usyna almaǵan soń, Samat klýbqa oralmaıtyn bolǵan.
Buǵan deıin 37 jastaǵy Smaqov Aqtóbege klýbtyń basshysy Dmıtrıı Vasılevpen kelissózder júrgizý úshin ushyp barǵan bolatyn. Taraptar arasyndaǵy dıalog uzaqqa sozylǵanymen, olar ortaq kelisimge kele almady.
«Ashyp eshteńe aıta almaımyn. Ázirge eshqandaı málimdeme jasaýǵa daıyn emespin. Bir ǵana nárseni aıtaıyn, - men «Aqtóbege» oralǵym keldi, biraq ol júzege aspady. Qalǵany keıin aıtylady», - dedi S.Smaqov.
Foto: alaman.kz
