Fýtbol: Rýdnyıdyń «Aıaty» «Barselonamen» oınaıdy
QOSTANAI. QazAqparat – Rýdnyı qalasynyń «Aıat» shaǵyn fýtbol klýby Chempıondar lıgasyna qatysady, dep habarlaıdy QazAqparat.
Qostanaı oblysynyń ákimi Arhımed Muhambetov Rýdnyı qalasyna jumys saparymen baryp, «Futsal Arena» sport kesheninde boldy. «Futsal Arena» – «Aıat» shaǵyn fýtbol komandasynyń oıyn arenasy.
«Bul maýsymda «Aıat» shaǵyn fýtbol klýby óz tarıhynda jańa beleske shyqqanyn atap ótý qajet. Klýb fýtzaldan Chempıondar lıgasyna qatysatyn bolady. Rýdnyılyqtar ıspandyq «Barselona», reseılik «Tıýmen», QR chempıonatynyń kóshbasshysy almatylyq «Qaırat» jáne basqa da eýropalyq komandalarmen kezdesedi. Oıynshylar men komanda basshylyǵy mańyzdylyǵy joǵary týrnırde alǵa qoıǵan maqsatqa qol jetkizý úshin bar jigeri men sheberlikterin aıamaı jumsaıtynyna, Eýropa shaǵyn fýtbolynyń tarıhyna enetinine senimdimin», - dedi oblys basshysy.
Arhımed Muhambetov komanda quramymen kezdesip,aldaǵy eýrokýbok maýsymynda sáttilik tiledi.
