Fýtbol: Reseıde oınap júrgen Baktıer Zaınýtdınov ulttyq quramaǵa shaqyryldy
NUR-SULTAN. QazAqparat – Qazaqstan quramasynyń bas bapkeri Mıhal Bılek qazan aıynda ótetin oıyndarǵa shaqyrylǵan fýtbolshylardyń esimin jarııalady, dep habarlaıdy QazAqparat tilshisi.
Qazaqstan fýtbol federatsııasynan málim etkenindeı, tizimge 23 fýtbolshy endi.
Shaqyrylǵandar qatarynda Reseıdiń «Rostov» komandasynyń namysyn qorǵap júrgen jartylaı qorǵaýshy Baktıer Zaınýtdınov bar. Jaraqatyna baılanysty biraz ýaqyt boıy emdelgen ol, alańǵa Máskeýdiń «Dınamosymen» bolǵan oıynnyń 81-mınýtynda shyǵyp, ile-shala premer-lıgadaǵy alǵashqy golyn soqqan edi. Matchtan keıin «Rostovtyń» bas bapkeri Valerıı Karpın B.Zaınýtdınovqa aldaǵy ýaqytta da senim artatynyn málimdegen bolatyn.
Sol sekildi ótken týrda «Qaısarmen» oıynda qos birdeı goldyń avtory atanǵan «Astananyń» shabýylshysy Sergeı Hıjnıchenko el quramasyna qaıta oraldy.
Sonymen aldaǵy báselekelerge myna fýtbolshylar shaqyrtý alyp otyr.
Qaqpashylar: Dmıtrıı Nepogodov («Ordabasy»), Stas Pokatılov («Qaırat»), Igor Shatskıı («Shahter»);
Qorǵaýshylar: Abzal Beısebekov, ıÝrıı Logvınenko, Dmıtrıı Shomko (barlyǵy - «Astana»), Nuraly Álip, Ǵafýrjan Súıimbaev (ekeýi de - «Qaırat»), Aleksandr Marochkın («Qaısar»), Temirlan Erlanov, Sergeı Malyı (ekeýi de - «Ordabasy»), Oljas Kerimjanov («Jetisý»), ıAn Vorogovskıı («Beershot», Belgııa);
Jartylaı qorǵaýshylar: ıÝrıı Pertsýh («Astana»), Aıbol Ábiken, Georgıı Jýkov, Baýyrjan Islamhan, Islambek Qýat (barlyǵy – «Qaırat»), Ashat Taǵybergen («Qaısar»), Baktıer Zaınýtdınov («Rostov», Reseı);
Shabýylshylar: Maksım Fedın («Tobyl»), Toqtar Jańǵylyshbaı («Ordabasy»), Sergeı Hıjnıchenko («Astana»).
Rezerv: Vladımır Plotnıkov («Qaırat»), Aslanbek Kákimov («Aqtóbe»), Serikjan Mýjıkov, Roman Mýrtazaev (ekeýi de - «Astana»), Aslan Darabaev, Erkin Tapalov, Aıbar Jaqsylyqov (barlyǵy - «Jetisý»), Dýman Nárzildaev («Qaısar»), Marat Bystrov, Tımýr Dosmaǵambetov (ekeýi de – «Ordabasy»), Vıktor Dmıtrenko, Azat Nurǵalıev, Baýyrjan Turysbek, Rýslan Valıýllın, Dmıtrıı Mıroshnıchenko (barlyǵy - «Tobyl»), Gevorg Nadjarıan («Shahter»).
Aıta keteıik, Qazaqstan ulttyq quramasy «Astana Arena» stadıonynda aldymen 10 qazan kúni Kıpr quramasymen kezdesedi. Oıynnyń bastalýy – 20.00. Al 13 qazan kúni 19.00-de Belgııa quramasyn qabyldaıdy.
Qazaqstan quramasy 2020 jylǵy Eýropa chempıonatyna irikteý týrnırinde I tobynda 7 upaımen ázirge úshinshi orynda keledi. Bul topta kósh bastaǵan Belgııanyń 18, odan keıin Reseıdiń 15 upaıy bar. Kıpr de Qazaqstan sekildi 7 upaıǵa ıe bolsa, besinshi oryndaǵy Shotlandııanyń qorjynynda 6 upaı bar. Sondyqtan úshinshi oryn básekede Kıprmen ótetin match asa mańyzdy bolmaq.
