Fýtbol: Reseı chempıonatynyń matchy 20 gradýs aıazda ótedi
ASTANA. QazAqparat - «SKA-Habarovsk» pen máskeýlik TsSKA arasyndaǵy Reseı fýtbol premer-lıgasynyń 17-inshi týrynyń matchy 20 gradýs aıazda ótedi.
Buǵan Gismeteo saıtyndaǵy sınoptıkterdiń aýa raıy boljamy dálel.
Derek kózderine súıensek, kezdesý bastalar aldynda Habarovskide mınýs 20 gradýs bolady dep kútilýde, seziletin aýa temperatýrasy mınýs 24 gradýsqa deıin jetpek. Degenmen eki komanda da alańǵa shyǵýǵa daıyn.
Habarovsk klýbynyń baspasóz qyzmeti Lenın atyndaǵy alańnyń matchqa ázir ekenin málim etti.
