Fýtbol: «Qyzyljar» komandasynyń bas bapkeri qyzmetinen ketti
NUR-SULTAN. QazAqparat - Fýtboldan Premer-lıgada synǵa túsetin Petropavldyń «Qyzyljar» komandasynyń bas bapkeri Vıacheslav Rýsnak qyzmetinen ketti, dep habarlaıdy QazAqparat tilshisi.
Bul jóninde komandanyń baspasóz qyzmetinen málim etti.
Moldova eliniń mamany petropavldyq klýbtyń tizginin bıyl ustaǵan bolatyn. Onyń basshylyǵymen komanda 23 upaımen toǵyzynshy oryn aldy.
Vıacheslav Rýsnak óziniń fýtbolshylyq mansabynda Moldovanyń «Olımpııa», «Zımbrý» jáne qazaqstandyq «Shahter» komandalarynda dop tepti. 2011 jyldan beri bapkerlikke bet burdy.
Bapkerlik qyzmetinde moldovalyq kóptegen klýbtarda basshylyq etti. Bıylǵy jyldyń basynda «Qyzyljar» komandasynyń bas bapkeri bolyp taǵaıyndaldy.
Budan buryn «Qaısar» klýbyna bas bapker taǵaıyndalǵanyn jazǵan edik.
