Fýtbol: Premer-lıgada 14 komanda oınaıtyn boldy
NUR-SULTAN. QazAqparat - Bıyl fýtboldan Premer-lıga komandalary arasyndaǵy el birinshiligine 14 komanda qatysatyn boldy, dep habarlaıdy QazAqparat Qazaqstan fýtbol federatsııasyna silteme jasap.
Bul sheshim búgin ótken Qazaqstan fýtbol federatsııasy atqarý komıtetiniń otyrysynda qabyldandy. Byltyr Premer-lıga komandalary arasyndaǵy el birinshiliginde alǵashqy týrlarda 12 komanda qatysqan bolatyn. Sál keıinirek qarjy máselesine baılanysty Pavlodardyń «Ertisi» jarysty jalǵastyrýdan bas tartty. Nátıjesinde el birinshiliginde 11 komanda synǵa tústi. Olardyń arasynan sońǵy oryndy mise tutqan Kókshetaýdyń «Oqjetpesi» birinshi lıgaǵa túsip qaldy. Birinshi lıgada eki konferentsııada jeńimpaz atanǵan «Aqtóbe» men «Atyraý» komandalary úzdikter qataryna qosyldy.
Bıyl Premer-lıgada baq synaıtyn qalǵan eki komanda ázirge belgisiz. Sarapshylar buǵan Oraldyń «Aqjaıyq» jáne Túrkistan oblysynyń «Arys» komandalary qol jetkizýi múmkin ekenin aıtady.
Sondaı-aq, atalǵan shara barysynda qysqy transferlik merzimniń ýaqyty belgilendi. Komandalar 25 qańtar men 17 sáýir aralyǵynda jańa oıynshylardy tirkeı alady.
