Fýtbol: premer-lıga joldamasy úshin tartys shıelenise tústi

Kókshetaýdyń «Oqjetpesi» óz alańynda Shymkenttiń «Qyranyn» 3:1 esebimen utyp, 58 upaımen jekedara kósh bastady. «Qyran» 54 upaımen ekinshi orynda qalsa, odan keıingi úsh komandanyń upaılary teńesti. Oraldyń «Aqjaıyǵy» Óskemende «Vostokpen» 2:2 esebimen teń oınady. Munda batysqazaqstandyqtardan áýeli Alekseı Maltsev esepti teńestirse, qonaqtardyń bir oıynshysy kem bolǵanyna qaramastan (Mahır Karıch 76-mınýtta alańnan qýyldy), 90-mınýtta Sergeı Lısenkov «Aqjaıyqqa» bir upaıdy alyp berdi. Sol sekildi Aqtaýdyń «Kaspııi» de Ekibastuzda 1:1 esebimen teń oınap, upaı joǵaltty. Esesine elordalyq «Astana-1964» óz alańynda Almatynyń TsSKA komandasyn 2:0 esebimen utyp, 52 upaı jınap, «Kaspıı» men «Aqjaıyqty» qýyp jetti.

Birinshi lıgada maýsymnyń aıaqtalýyna eki-aq týr qaldy. 2 qarasha kúni «Aqjaıyq» óz alańynda «Astana-1964» komandasyn qabyldaıdy. «Qyran» Shymkentte «Vostokpen» kúsh synasady. «Kaspıı» chempıonatpen qosh aıtysqan «Gefestpen» oınamaı-aq úsh upaıǵa ıe bolsa, «Oqjetpes» Maqtaaralda kósh sońyndaǵy jergilikti komandamen alańǵa shyǵady.

Birinshilikke sońǵy núkte 8 qarasha kúni qoıylady. Bul kúni «Jetisý-Suńqar» - «Aqjaıyq», «Astana-1964» - «Qyran», «Oqjetpes» - «Kaspıı» kezdesýleri chempıonat myqtylaryn anyqtaıtyn bolady.