Fýtbol: Premer-lıga komandalary arasyndaǵy 19-shy týrdyń nátıjeleri
ASTANA. Shildeniń 19-y. QazAqparat /Ernur Aqanbaı/ - Jeksenbi kúni fýtboldan Premer-lıga komandalary arasynda Qazaqstan chempıonatynyń 19-shy týr oıyndary ótti.
Bul týrdaǵy ortalyq match Qaraǵandyda boldy. Bul týrǵa deıin týrnır kestesinde ekinshi orynda turǵan jergilikti «Shahter» úshinshi orynda kele jatqan Pavlodardyń «Ertis» komandasyn qabyldap, 0:1 esebimen utylyp qaldy. Al kósh basyndaǵy Qostanaıdyń «Tobyly» bolsa óz alańynda Almatynyń «Qaırat» klýbymen kezdesip, 3:1 esebimen jeńdi. «Shahterdiń» múlt ketkenin «Aqtóbe» tıimdi paıdalandy. «Aqtóbe» Kókshetaýdyń «Oqjetpes» komandasyn qabyldap, 4:1 esebimen jeńdi. Sóıtip 34 upaımen týrnır kestesiniń úshinshi satysyna kóterildi. Birinshi orynda 38 upaımen «Tobyl», al ekinshi orynda 37 upaıy bar «Ertis» keledi. Osy týrdaǵy jeńilisinen keıin «Shahter» 33 upaımen tórtinshi orynǵa syrǵydy. Bul týrdaǵy qalǵan matchtardyń nátıjeleri mynadaı: «Ordabasy»-«Jetisý» 2:1, «Aqjaıyq»-«Lokomotıv» 2:2, «Atyraý-«Taraz» 1:0.
