Fýtbol: Premer-lıga komandalary arasynda 12-shi týrdyń nátıjeleri
ASTANA. Mamyrdyń 26-sy. QazAqparat /Ernur Aqanbaı/ - Keshe fýtboldan Premer-lıga komandalary arasynda Qazaqstan chempıonatynyń ekinshi aınalymy bastaldy. 12-shi týrdaǵy ortalyq match «Aqtóbe» men «Shahter» arasynda ótti. Bul oıynda 0:1 esebimen qaraǵandylyqtar jeńiske jetti. Sóıtip 23 upaı jınaǵan olar kósh basyndaǵy Qostanaıdyń «Tobyl» klýbyna jaqyndaı tústi.
Al, «Tobyl» bolsa bul týrda «Atyraýdy» qabyldap, 2:2 esebimen teń tústi. Bul týrda eki upaı joǵaltqandaryna qaramastan, 25 upaıy bar qostanaılyqtar ázirge kósh bastap keledi. Bul týrda bas júldeden úmitker komandalardyń biri - Pavlodardyń «Ertisi» úsh upaı ıelenetin múmkindikti jiberip aldy. Olar syrt alańda osy maýsymda ala-qula oınap júrgen Shymkenttiń «Orbadasynan» 1:0 esebimen utylyp qaldy.
Bul týrdaǵy qalǵan oıyndardyń nátıjeleri mynadaı: «Jetisý»-«Qaırat» 1:0, «Aqjaıyq»-«Taraz» 2:3, «Lokomatıv»-«Oqjetpes» 4:0. Kelesi 13-shi týrdyń matchtary mamyrdyń 30-ynda ótedi.
