Fýtbol oınaı almaǵany úshin synyptastarynyń kelemejdeýine ushyraǵan jasóspirim ózine qol saldy
NUR-SULTAN. QazAqparat – Fýtbol oınaı almaǵyna úshin únemi synyptastarynyń kelemejdeýine ushyraǵan jasóspirim ózine qol jumsaǵan. Bul týraly búgin Ortalyq kommýnıkatsııalar qyzmetindegi baspasóz máslıhatynda QR Іshki ister mınıstriniń birinshi orynbasary Marat Qojaev aıtty, dep habarlaıdy QazAqparat tilshisi.
«Krımınalıstıka tarıhy birneshe márte qylmys jasaǵan qylmyskerlerdiń basym bóligi qatarlastarynyń kemsitýshiligine jáne otbasyndaǵy nashar qarym-qatynasqa ushyraǵandyǵyn kórsetip otyr. Máselen elimizdegi mektepterdiń biriniń 12 jastaǵy oqýshylary óz synyptastaryna fýtboldy jaqsy oınaı almaǵany almaǵany úshin únemi psıhologııalyq qysym kórsetken», - dedi ol.
Onyń atap ótýinshe, fýtbol komandasy birneshe oıynda jeńilgennen keıin oqýshylar barlyq kináni synyptastarynyń nashar oıynan aýdaryp kiná taqqan.
«Kelemejdeýge ushyraǵan bala ózine qol salyp qaıtys boldy. Jalpy, balalar sýıtsıdiniń 80 paıyzynda sebebin anyqtaý múmkin emes. Biraq, únemi, onyń ishinde qatarlastarynan da jábir kórýmen baılanysty psıhologııalyq soqqynyń da yqtımal ekendigin eshkim joqqa shyǵara almaıdy», - dedi Marat Qojaev.
