Fýtbol: «Ordabasynyń» jasóspirimder komandasy altyn medal jeńip aldy
ShYMKENT. QazAqparat - Fýtboldan Premer-lıga komandalarynyń ortalyqtary men akademııalary arasynda el chempıonaty aıaqtaldy. 16 jasqa deıingi komandalar baq synaǵan jarysta Shymkenttiń «Ordabasy» komandasy barlyq qarsylastaryn qapy qaldyryp, altyn medal jeńip aldy, dep habarlaıdy QazAqparat tilshisi.
16 komanda qatysqan el chempıonatynda barlyq qarsylastan basym túsken «Ordabasy» komandasy aqtyq synda Astana fýtbolshylaryn 3-2 esebimen tize búktirdi. Jeńimpaz komandany bilikti maman Madııar Kembılov baptady. Jyl qorytyndysy boıynsha quramadaǵy oıynshy Qurban Baıshyq pen qaqpashy Qaltóre Ǵazız «Eń úzdik oıynshy» atandy.
Sonymen qatar, ortalyq qorǵaýshy Erik Jarylqasyn men qorǵanys arqyly shabýylǵa bastaıtyn 11-synyp oqýshysy Erbolat Orynbek arnaıy júldelermen marapattaldy.
Jeńimpaz atanǵan komanda múshelerin «Ordabasy» komandasynyń oıynshylary Samat Smaqov pen Qaırat Áshirbekov arnaıy quttyqtady. «Ordabasynyń» «Oqjetpespen» bolǵan oıyny kezinde el chempıondaryna jeńis kýbogi tabys etildi. Ony Qazaqstan fýtbol federatsııasynyń prezıdenti Seıilda Baıshaqov pen klýbtyń jasóspirimder ortalyǵynyń jetekshisi Ábıhan Áshirbekov tapsyrdy. Endi atalǵan komanda «Ordabasy» fýtbol klýbynyń prezıdenti Baqtııar Baıseıtovtyń uıǵarymymen oqý-jattyǵý jıynyn Túrkııada ótkizetin bolady.
Sportshylar osylaısha chempıon tuǵyrynan túspeý úshin jan-jaqty daıyndyqtar júrgizýdi josparlap otyr.
