Fýtbol: «Ordabasy» úshinshi márte jeńiske jetti

ASTANA. QazAqparat - Búgin fýtboldan Premer-lıga komandalary arasyndaǵy el birinshiliginiń 3-týry bastalady, dep habarlaıdy QazAqparat tilshisi.

14 naýryzda Shymkenttiń «Ordabasy» komandasy Taldyqorǵannyń «Jetisý» komandasyn qabyldady. Kezdesýde alań ıeleri 2:0 esebimen basym tústi.

Sondaı-aq Qostanaıdyń «Tobyly» óz alańynda Qaraǵandynyń «Shahterin» 2:1 esebimen tize búktirdi.

Buǵan deıin «Qaırat» (Almaty) pen «Kaspıı» (Aqtaý) kezdesýinde almatylyqtar 3:1 esebimen jeńiske jetken edi.

Endi «Qaısar» men «Aqsý», «Astana» men «Aqtóbe» jasyl alańǵa shyǵady.

Erteń, 15 naýryzda «Maqtaral» men «Atyraý», «Oqjetpes» pen «Qyzyljar» oınaıdy.

Eske salsaq, alǵashqy eki týrdan keıin «Ordabasy» komandasy kósh bastap tur.